پاکستان بار کا وزیر قانون فروغ نسیم کو ہٹانے کا مطالبہ

تسنیم خبررساں ادارے کی رپورٹ کے مطابق، پاکستان بار کونسل نے انور منصور خان کی سپریم کورٹ سے غیر مشروط معافی اور استعفے کا بھی خیر مقدم کیا ہے۔

پاکستان بار کونسل کی جانب سے جاری کیے گئے اعلامیے میں کہا گیا ہے کہ انور منصور خان نے کہا کہ متنازع بیان کا حکومت اور متعلقہ شخصیات کو علم تھا۔

اعلامیے میں مزید کہا گیا ہے کہ عدلیہ کو بدنام کرنے کے ماسٹر مائنڈ فروغ نسیم ہیں، انہوں نے ہمیشہ غیر جہوری قوتوں کے لیے کام کیا۔

اعلامیے میں مطالبہ کیا گیا ہے کہ مزید تاخیر کیے بغیر فروغ نسیم کو وفاقی کابینہ سے فوری الگ کیا جائے اور ان کے غیر جمہوری اقدمات کی تحقیقات کے لیے اعلیٰ سطح کا جوڈیشل کمیشن بنایا جائے۔