ایرانی صدر کی 14 اگست کی مناسبت سے پاکستانی قوم کو مبارک باد

 تسنیم خبررساں ادارے کی رپورٹ کے مطابق،  پاکستان کے یوم آزادی کے موقع پر اسلامی جمہوریہ ایران  کے صدر جناب حسن  روحانی نے پاکستانی وزیراعظم، حکومت اور قوم کو دلی مبارکباد دی ہے.

ایرانی صدرکا کہنا ہے کہ ایران اور پاکستان کے باہمی تعاون سے دوطرفہ تعلقات مزید مستحکم ہوں گے جو دونوں ممالک کے عوام کے مفاد میں ہے.

صدر روحانی نے وزیراعظم خاقان عباسی سے کہا کہ ہمیں یقین ہے کہ آپ کے دور حکومت میں پاک،ایران تعلقات کو مزید بہتر بنانے کے لئے اہم اقدامات کئے جائیں گے.

حسن روحانی کا کہنا تھا کہ کہ وہ پاکستانی کی قیادت اور قوم کی سلامتی، فلاح اور کامیابی کے لئے دعاگو ہیں.